Donnés l'assault a la fortresse
De ma gratieuse maistresse,
Hault dieu d'amors, je vous supplie;
Boutés hors m'adverse partie
Qui languir me fait en destresse.

C'est d'Anuy, qui par sa rudesse
De moy grever point ne se cesse
Envers ma dame gente et lye.
  Donnés [l'assault a la fortresse
  De ma gratieuse maistresse,
  Hault dieu d'amors, je vous supplie.]

Faictes venir tost en l'adresse
Au secours, par vostre noblesse,
pitié, Mercy et Courtoysie.
La belle soit par vous saisye,
Car le tarder trop si me blesse.

  Donnés l'assault [a la fortresse
  De ma gratieuse maistresse,
  Hault dieu d'amors, je vous supplie;
  Boutés hors m'adverse partie
  Qui languir me fait en destresse.]