CHORUS
Ay waukin, O,
Waukin still and weary:
Sleep I can get nane
For thinking on my dearie.
            
Simmer 's a pleasant time:
Flowers of every colour,
The water rins owre the lieugh,
And I long for my true lover.
            
When I sleep I dream,
When I wank I 'm eerie,
Sleep I can get nane
For thinkin on my dearie.
            
Lanely night comes on,
A' the lave are sleepin,
I think on my bonie lad.
And I bleer my een wi' greetin.

            CHORUS
Ay waukin, O,
Waukin still and weary:
Sleep I can get nane
For thinking on my dearie